विमल हाऊसिंगमध्ये भागवत सप्ताहनिमित्त विविध कार्यक्रम

संत श्री दगा महाराज यांच्या जयंतीनिमित्त नंदुरबार शहरातील विमल हाउसिंग सोसायटी येथील इच्छापूर्ती महादेव मंदिराच्या प्रांगणात विमल हौसिंग सोसायटी व जय सियाराम भक्त परिवाराच्या वतीने श्रीमद् भागवत व ज्ञानयज्ञ सप्ताहाचे आयोजन करण्यात आले आहे. कथेचे निरूपण हभप शंकर महाराज चोपाळेकर यांच्या मधुर वाणीतून करण्यात येत आहे. श्रीमद् भागवत व ज्ञानयज्ञ कथेला २९ डिसेंबर रोजी प्रारंभ झाला असून ५ जानेवारी रोजी सांगता व महाप्रसाद आयोजित करण्यात आला. कृष्ण जन्मोत्सव व संत दगा महाराज यांच्या जन्मोत्सव साजरा करण्यात येऊन सजीव देखाव्याचे देखील आयोजन करण्यात आले होते यावेळी मोठ्या संख्येने महिला भाविक उपस्थित होते.